Lang isch's här, da hät mai eine öppis afa boue
Öppis wien ä grosse Chaschte, d' Lüüt wos si cho gschoue
Hei ne gfragt, was söll das gäh?
Äs Schiff, hät dise gseit
Aber s'isch kä See gsi und käs Meer det, wiit und breit
Und me begrieft, das d' Lüüt hei gseit, dem Maa, dem spinnts
Und sie hei d' Chöpf erscht rächt gschüttlet,
Wo das Schiff do später
Hät ä Längi übercho gha vo drühundert Meter
Füfzig Meter Breiti, drissig Höchi und dä no
Siitlich i der Wand ä grossi Türe dri isch cho
Und me begrieft, das d'Lüüt hei gseit, dem Maa dem spinnts
Und sie hei ne gseh its Schiff näh, Leue und Giraffe
Nachtigalle, Zebra, Elefante, Söi und Affe
Schlange, Chüe, Rhinozeros, Gazälle, Dromedar
Känguru und Kolibri, vo allem gäng äs Paar
Und me begrieft, das d'Lüüt hei gseit, dem Maa dem spinnts
Und wo Tier si drinn gsi, isch er sälber do mit sinä
Söhn und sinrä Frou und sinä Schwigertöchter ine
D'Lüüt hei sich versammlet und koläed ussedra
Won er hinder sich die grossi Türe zue hät ta
Und me begrieft, das d'Lüüt hei gseit, dem Maa dem spinnts
Aber druf häts afa rägne, wie no nie uf Ärde
Langsam hät me d'Fluet gseh stige und gäng höcher werde
Einisch hät der Maa no ghöre brüele, lööt eus dri
Aber gli isch zäntume Totestilli gsi