Wo isch min Häxezauber hii? Di guete Ziite sind verbii
Ich wünsch mer s'Mittelalter zrugg, sogar deet isch's besser gsi
E sonen Schiiterhuffe isch zwar scho chli e bränzligi Situation
Aber hüt, die Konkurränz, die händ alli es Diplom
Di junge Schnuufer gönd i d'Schuel, und mached Wiiterbildige
Und ich ha nur mis Häxebuech, da müender scho entschuldige
D'Mänsche händ kei Angscht vor mir, nöd emal die chliine Chind
Sie rüefed "Harry" oder "Bibi", wänns mi uf em Bäse gsehnd
Di ächte Häxe schtärbed us, well eus d'Wält hüt nümme will
D'Lüüt wänd nöd, dass ene gruust, ussert mir git's nümme vill
Git's nümme vill
Niemert hät me Angscht vor mir, nöd emal di chliine Chind
Sie känned mich us däne Film, wo hüt scho ab sächsi sind
Sie schicked d'Polizei in Wald oder dänn de Chaschperli
Und dä kännt nur brutali Gwalt, di guete Ziite sind verbii
Di ächte Häxe schtärbed us, well eus d'Wält hüt nümme will
D'Lüüt wänd nöd, dass ene gruust, ussert mir git's nümme vill
Git's nümme vill
Git's nümme vill
Au, au, au, oh, oh, nei, Häxeschuss