Roleee Solo
Wir mochns wie Männer und tringan an Haufen Schnops
Des is de Basis, der Grundstein, de Ausgangslog'
Aus am Trauertog wird so a rauschige Nocht
Des is wichtig, weil 's sunst an jo wahnsinnig mocht
Schau i mi um wird des Beisl von Männern bestimmt
Kummt a Frau eini, wird sie von alle Seiten umringt
Nur da Kellner is gschwinda und bringt ihr den Drink
Vor da Maunnschaft versuachst du dei Glick bis s' vaschwind
Des kloppt wie geschmiert, hot di gekonnt ignoriert
Nix is verloren und an Korb wirst du sicha net kriagn
Nur dei Gleichgewicht mocht da an Strich
Du laundest im Sessel und speibst aufn Tisch
Geh zuwa – und loss di net hänga, wir mochns wie Männer
Geh zuwa – und siags net so tragisch, es is net so haglich
Geh zuwa – und loss di net hänga, des is ka Dilemma
Geh zuwa – wer sudat, der wird a net...
Freistil
Geh zuwa amoi, wo is 's Problem – grod über sowos kaunn ma do redn
Reiß di moi zaum, scheiss di net au, pfeif amoi drauf wie die aundan des
Seng, i kaunn jo vasteh, dass 's di so quöt, dass d' Wöt in Boch obigeht
Zeit is Göd, beides föht und Leib und Sö dapockn des net
Du muasst scho vasteh so gesehen plogt des an Jedn
Doch es kunnt auf dem Planeten obgesehn von dir sunst nu wen geben
Kumm a wengal zuwa, bevor die Kugal owarinnan
Jo du kunntast nu länger sudan, oba des wurd da jo gor nix bringa
Es kunntat jo so vü schimmer sei – du host doch an Job
Host a Doch überm Kopf, horch wos i sog: Gor kana woaß wos er hot
Kaum bist net gaunz vorn dabei glaubst immer glei, die gaunzen Leit
Raubn da de Zeit – i glaub du kunntast a wengal daunkbora sei
Antrue
Wie a immer Kinda, ma kaunn des Glick jo sicha ned erzwinga
Kaunn des Schicksoi ned einfoch so niederringa
Bitte glaub ma des siagt a a Blinda
Ma kaunn ned imma gwinna, host dein Job hoit verloren
Jetzt mocht da dei Kontostaund Sorgen
Bist hoid jetzt obdachlos wordn – Blick noch vorn!
Ma hot an Grant und wort auf an richtigen Run
Ma wort, dass se wos verändert wie Hippies und Punks
Und warad am liaban scho tot sowie Biggie und Pun
Oiso bitte: Krömpi da de Örmi hoch
"Who's world is this? The world is yours"
Glaub mas hoid i schwör da 's doch
Sei bitte motivert, des hot si immer nu bewährt
Tua do ned so schiach, wos soi des bringa
Maunchmoi rennan hoit Sochen verkehrt
Des wird scho wieda wern, wos aundas woima gor ned hern
Am liaban darat ma nur rern und boid her i di sicherlich wieder nur blean