Lu Basilico
Ti l'haju dittu: – Finiscila, finiscila!
Chisti nun sunnu discursi di fari!
Ti l'ha calari, sì, ti l'ha calari.
Calannutilla, ti la spidugghi tu.
Tò pà dici sì, tò mà dici no,
Di notti si chianta lu basilicò.
Cu dici sì, cu dici no,
Di notti si chianta lu basilicò.
Comu canciasti 'stu giuvini d'oru
E ti pigghiasti un tintu viddanu.
Comu canciasti lu chiummu pi l'oru.
Ora, Rusina, spidugghiatilla tu!
Tò pà dici sì, tò mà dici no,
Di notti si chianta lu basilicò.
Cu dici sì, cu dici no,
Di notti si chianta lu basilicò.
Chianci tò pà, chianci tò mà e tò zia,
Chiancinu tutti ca 'unn'hannu vistu a mmia.
Tò mà, chiancennu, va ffà 'na lavina,
Tò pà e tò zia 'na vutti china.
Tò pà dici sì, tò mà dici no,
Di notti si chianta lu basilicò.
Cu dici sì, cu dici no,
Di notti si chianta lu basilicò.
Ti lu ricordi quann'era tu malata,
Iu ti 'ncugnava vicinu a lu lettu
E ti purtava, sì, tantu rispettu.
Cara Rusina, pirchì nun mi vò cchiù?
Tò pà dici sì, tò mà dici no,
Di notti si chianta lu basilicò.
Cu dici sì, cu dici no,
Di notti si chianta lu basilicò.