Sul songh' rimasto scanzato 'a 'na tempest'
Senza ne pane nemmanc' nu poco 'e menesta
Dint' 'a forza me nasce sèmmeno 'o ggrano cresce
Riesce o nun riesce semp' è ggrano chell' ch'esce
M' hanno rimasto terra bruciat' no' terra 'e creta
Ma e suonne ch' 'e speranze spontano 'a miezz' 'e prete
M'avoto e veco 'o mare 'na lampara 'e piscature
Se sforz a fa luce senza scumparì int' 'o scuro
Ma fore 'a massarì se respira aria 'e allerì
Tant' faticature 'lluse senza capì
Mastecano macarrie e vurria sape' pur' je
Si rimarrann' o sarrann' furzate a scumparì
E mo' cu nu crie int' 'e mmane
Nu figlio m' 'o cresco sano
Spennennece 'e jurnate
'E na vita sacrificata
Piccio' si aggio surato
Me l'aggio pure abbuscato
M' 'o ttengo stipato, pe' poch' 'e nuje
Pe' pochi frate
Rit: P' poch' 'e nuje, c' jamm annanz cu' ppoc'
Ce piace 'e jucà, ma stamm fore do juoco
P' poch' 'e nuje, c' tenimm 'a capa tost
Nuje c' jamm annanz cu' 'e regule nost
P' poch' 'e nuje, c' stamm bbuon addò stamm
Nuje p' nun fa 'a fine c' ate fatt vuje
P' poch' 'e nuje, nuje, nun ce fermamm
P' poch' 'e nuje, nuje, nuje c' cercamm
Tengh' 'int' 'a bborz muorz, nun cerco chec
'Na maglia ianca, no giacca, no man in black
N' cont cunt cu' casce c' sonano, aropp nu check
C'è c' ce vec' bbuon
Pall' 'e munn e 'a pall è tutt da meja, ce tent
Nu' m' dongh' p' vvint, no revent,
P' ttant è tiemp de 'ntient c' m' 'mment 'nnint
E c' nu' m' tengh' 'aint ne m' 'e ttengh' strint, sient
Comm chiov' 'ncopp' 'o core 'e chiumm so' vvite c' chioven 'nsuonn
S'avvitano 'a pell, larm' 'e sangh' e 'a pupilla s' 'mpalla
E se è russ curall p' 'o Nepal, p' Napul' è Napal
'O stess bball ma 'ncopp a natu beat
'A stessa lampa ma nu' simm' 'o stess cippo
Tenit 'mman' 'o munn c' sta tuccann' 'o funn p' vuje
Ma ancor p' poc, p' poch' 'e nuje.
Rit: P' poch' 'e nuje, c' jamm annanz cu' ppoc'
Ce piace 'e jucà, ma stamm fore do juoco
P' poch' 'e nuje, c' tenimm 'a capa tost
Nuje c' jamm annanz cu' 'e regule nost
P' poch' 'e nuje, c' stamm bbuon addò stamm
Nuje p' nun fa 'a fine c' ate fatt vuje
P' poch' 'e nuje, nuje, nun ce fermamm
P' poch' 'e nuje, nuje, nuje c' cercamm
Diciteme quanti ne site 'uagliù
Ma je nunn' veco cchiù tanti, 'e vveco mancanti
Veco troppa ggente 'e venì fore a fa e cantanti
Cercano sulo gloria po' nu' vonno perdere tanto
Ma niente è pe' nniente
Pecchè cchiù pass' 'o tiempo
E si 'e terre assaje se curano 'e frutti s' ammaturano
E durano 'a vita sana
Nu frutto dà nu seme e n'atu frutto cresce sano, senza mettere mano
Pe' chest' arracquo 'a terra addò so nato
Pecchè m'ha dato 'e fforze p' 'ogni vota c' affronto nu sfuorzo
E si me sento stanco
Staje sicuro cu' e diente m' arrampeco, ma nu' 'nciampeco
Stongh' addò 'n se trase, comm' 'e bane' int' 'e case de jamm' base
Addò si nun l'assumiglie nun ce può mettere naso
E mo vulimme fa 'stu juoco? Mo juoco pur' io,
Ma cu' 'e regole mie, no cu' 'e regole 'e l'economia.