Цээж дүүргэх агаартай
Цэцэгт талаа санахад
Сэмхэн урсах нулимс минь
Сэтгэлийн нууранд тунарна
Хээрийн бүлээн салхиа
Үгүйлж сэм гунихдаа
Хүний нутгийн тэнгэр доор
Хоног тоолон бүдчинэ
Холын газрын шороог
Нулимсаараа би чийглэхгүй
Тэвэрч аргадах бүхнээ
Санан санан зүтгэлээ
Тэнхэл алдарч унахдаа
Түших нутгаа саналаа
Санаж хайрлах бүртээ
Өндийж би босдог доо...
Урсаж дуусашгүй өдрүүдийг
Тэвчээр заан туулахдаа
Хайртай бүхнээ санан
Бусдын өмнө сөхрөөгүй
Намайг хүлээсэн эх орон бий
Санаж явах сайхан...
Тэвэрч аргадах бүхнээ
Санан санан зүтгэлээ
Тэнхэл алдарч унахдаа
Түших нутгаа саналаа
Санаж хайрлах бүртээ
Өндийж би босдогсон