1)
Na fa'amanuia mai le Atua i lo'u olaga
I ni tuafafine lalelei o a'u Tausala
Faimai e pala le ma'a,
Ae le pala ole tala
O oulua o o'u i'oimata
E le mafai, E le mafai ona ou fa'agaloina
So'o se mea ou te iai ou te manatua lua Foliga
Pogai o le ote ole olomatua,
Ma le ata o le toeaina
O oulua o a'u pele o a'u penina
O oulua, o o'u i'oimata
E ogatotonu i se fanauga tama
O le auro e I'ila ese mai le palapala
O se Meaalofa sili, mo se tuagane fa'atauva'a
2)
Ou te manatua, a'o lua pepe meamea
E fa'amuamua lava oulua i so'o se Mea
E malie lua uiga pe afai e lua te viga
Ina ia tu'u atu o ni sei i Lua taliga
Ua ou va'ai atu, Ua lua tupu malosi
Ua lua iloa lelei o'u tiute ma o'u tofi
Ou Te leo oulua, tausi fa'amaoni Fa'ala'ei'au atu ia lua fa'amalosi
O oulua, o o'u i'oimata
E ogatotonu i se fanauga tama
O le auro e I'ila ese mai le palapala
O se Meaalofa sili, mo se tuagane fa'atauva'a
3)
Aua ne'i tia'ina le apoapoa'i a tina
Ua lua iloaina ole upu tonu mai Le Tusi Sa
E alu ae sau aso, Ia lua manatua
Le Atua i aso lelei ma aso faigata
Ia lua Manatua e fa'amaoni le Atua
E puna pea le alofa mo oulua
O oulua, o o'u i'oimata
E ogatotonu i se fanauga tama
O le auro e I'ila ese mai le palapala
O se Meaalofa sili, mo se tuagane fa'atauva'a