السلام عليك يا سيدتي ومولاتي يا ام البنين
يالتزور ام البنين اشتم قبرها
شجرة طيبة وللحسين انطت ثمرها(انطت ثمرها)
يالتزور ام البنين اشتم قبرها(اشتم قبرها)
شجرة طيبة وللحسين انطت ثمرها(راية من الاحساس)
راية من الاحساس يحملها عباس
راية من الاحساس يحملها عباس(شجرة طيبة)
شجرة طيبة وللحسين انطت ثمرها
عن صبرها اعلى الارض مرسومة صورة
يجذب الناظر قبرها من تزوره
من بعيد الوفة العدها تشم عطوره
دمعك البعيونك تهيج شعوره
تشعر باحساس ما مر اعلى بالك
تنسى روحك تسرح بعالم خيالك
صورتها نبراس يحملها عباس(عباس)
صورتها نبراس يحملها عباس(اي شجرة)
شجرة طيبة وللحسين انطت ثمرها
قلب عدها احتارت الدنيا بصفاته
صار حب حسين محرابه بصلاته
والشعور الچان عنده وامنياته
يفدي دمه لجل ابو اليمة ونجاته
يا حسين تصيح دقاته قلبها
سالم يرد ليها من الله طلبها
حكمتها نوماس يحملها عباس
اي حكمتها نوماس يحملها عباس
شجرة طيبة وللحسين انطت ثمرها
بامتحانات الوفة الباري امتحنها
صبرت وما ساعة غيرها زمنها
والمحبة الصادقة غالي ثمنها
واسمع لسان الكرامة شيحچي عنها
باب للحاجات تتوصف قيمها
ما يخيب اليندب الخالق باسمها
باب الله تنقاس يحملها عباس
اي باب الله تنقاس يحملها عباس
شجرة طيبة وللحسين انطت ثمرها
جوهرة وباخلاصها صارت ثمينة
وبوفاها تمثل الام الحنينه
من رجع ناعي المصايب للمدينة
تلقته تگله العزيز حسين وينه
عوف ذكر الاربعة واسمع سؤالي
بالله خبرني اعله ابني العندي غالي
هالطيبة يا ناس يحملها عباس
اي هالطيبة يا ناس يحملها عباس
شجرة طيبة وللحسين انطت ثمرها
للمناحة قبور خمسة من بنتها
باللطم صبح ومسية قابلتها
والنواظر وي مدامعها بجتها
حقها لو ساعة منيتها لفتها
عنها راح المخلص الينشد عليها
بعد شلها بدنيا ماكو حسين بيها
هالحالة مقياس يحملها عباس
اي هالحالة مقياس يحملها عباس
شجرة طيبة وللحسين انطت ثمرها
شوف ابنها الاخذ من عدها وفاها
موقفه ويه حسين جازاها برباها
عالفرات وجبدته جمرة بظماها
ماي قبل حسين اخيه ما رواها
نفذ الامه الوفه الجانت تريده
عينه والچفين قدمها العضيده
غايتها عالراس(عالراس عالراس)يحملها عباس
اي غايتها عالراس يحملها عباس
شجرة طيبة وللحسين انطت ثمرها
امل عدها والزمن خيب املها
امنيتها جانت بساعة اجلها
حسين ابو السجاد جفه يغمض الها
للقبر عباس يتولى حملها
لو فرضنه الگمر طر قبره وقصدها
وجفوف ما عنده يوسدها بلحدها
من تقضي الانفاس يحملها عباس
اي من تقضي الانفاس يحملها عباس
شجرة طيبة وللحسين انطت ثمرها
يالتزور ام البنين اشتم قبرها(اشتم قبرها)
شجرة طيبة وللحسين انطت ثمرها(انطت ثمرها)
يالتزور ام البنين اشتم قبرها(اشتم قبرها)
شجرة طيبة وللحسين انطت ثمرها(راية من الاحساس)
راية من الاحساس يحملها عباس
راية من الاحساس يحملها عباس(شجرة طيبة)
شجرة طيبة وللحسين انطت ثمرها
للشاعر سيد سعيد الصافي