Rashed Al-Majed - Nile Shebh Aljazerah - текст песни и слова, похожие исполнители

Kishore Kumar Hits — Rashed Al-Majed - Nile Shebh Aljazerah текст песни

Исполнитель: Rashed Al-Majed

альбом: Nile Shebh Aljazerah

ارعدي يامخايل وامطري واسقيه
نجد كله وخص طويق وجباله
فيه منا عزايمنا ومنا فيه
قالها سيدي من عرض ماقاله
كل قولٍ يقوله سيدي يعنيه
يوم وصف طويق بهمة رجاله
يوم قال استعدوا ما نشدنا ليه
واثق من ولانا له وحنا له
ابو سلمان يامر وامره نلبيه
لو يبينا نشيل طويق نشتاله
شاف فيه الملك سلمان مايرجيه
حاكمٍ تستظل العرب بظلاله
لا التفت في محمد شاف جدّه فيه
كن ابو تركي معزي يورى له
كن محيى العظام الباليه محييه
واشهد انه تخير جدّه وخاله
منطقه زاد فكر ونظرته توجيه
معجزة عصر يكفي شرح وإطاله
نيل شبه الجزيرة ودي اسميه
من حداه الظمى ينزل على جاله
جعل ربي يبارك فيه ويخليه
ماتناوش من نجوم السماء طاله
يعمد المستحيلُ ولاحدٍ يثنيه
كل ماصعب شيٍ شرب فنجاله
هو طموح الشباب وعزه وبانيه
واتحدنا وراه وحالنا حاله
وان حسدنا العدو جعل العمى يعميه
ماشحنّا وفال الله ولا فاله
لايقدر وجية ولا يحشم وجيه
واظهر الحقد كل اللي علي باله
ينتقد من تصوغ المعجزات يديه
وهو يده ترتعد من عروة بياله
علمو من هرج في شي مايعنيه
كل ابونا مع محمد ونبراله
كل ابونا محمد والعهد نوفيه
نرخص الروح دونه ماهو لحاله
سر بنا ياولد سلمان لا ترضيه
في نجاحك عمى الحاسد وسلاّله
انت يغليك شعبك مثل ماتغليه
احتمى الشعب فيك وعلق اماله

Поcмотреть все песни артиста