Barcha wa9t t3ada men ekher marra habbat fiha mousika
Betbi3a lwa9t yejri kol youm asra3 meli 9ablou
W tbadlet barcha hajet fl mousika fi tounes
W tbadlet barcha hajet feya zeda
Descision eni ma nhabatch mousika kont mekhedhha
Men 9bal ma nkoun mawjoud fi rise of a gang
W ba3ed ma hbat zedet t2akdet khater woujoudi
Fl album edheka kifou kif barcha hajet kenet tsir
Fl ayamet hedhoukom, ken ghalta
Tsarra3t fi hajet w 3malt hajet menghir ma fakkart
W meghir ma khayyart b s7i7
Menich nedem khater 7amed rabi w naarf eli lghalta drous
Ama athret feya yeser lmar7la edhika
Melloul kont nekhdem fi album esmou forever ekid
Ama ba3ed kifi kif john six hassineha ma kenetch
Rekba 3ala b3adhha
W na bini w bin rou7i 7assit ma kontech hadher nekhdem mousika
W eli kont naaml fih ma kenech yechbah leli n3ich fih
W ma ytarjemch a7asisi b s7i7
B3edet aal khedma période kbira
Elli ken fibeli lezem ysir howa eni nkoun wa7di akther wa9t momken
Somehow in rehab with myself
Khater kont nhess keli feya hajet mahomch s7a7
Ayamet kenou s3ab, ama maa kol lila kol 3arka
Maa rouhi kont nchouf 3ib nsara7 bih nafsi
W kont nokhroj b haja ma karnich 3maltha wala haja karha saret
Ayamet kenet tsir fiha a7deth, w nes temchi w nes tji
W na ma kontech mrakez maa chay
Ma kontech nhess fi chay bekhlef li bini w bin rou7i
Yomkon rbe7t chwaya hajet, ama kenet tdhor feya zeda
Khater s3ob fiha dhamiri m3aya
W gadamt chwaya fl process edheka maa mokhi
W fi nafs layamet ma kontech nokhroj ken bch n9abel
John f studio, w narjaa naaml mousika moch nekhdemha
W eli ken yokhroj meni fl ktiba ma kenech haja kbira,
Wala mind blowing, ama ken bechwaya bechwaya
Yo9rob men halti, w afkari, w a7asisi
Lazitelha b zatla akther men ay période fi 3omri
W en parallèle maa li ken ysir lkol ma kenetch khalta behya
Bel3aks sa7ti kenet be9ya tetdhar
M na kont a3ma aliha kima 3mit aala barcha hajet
Ma fe9tech b 9imethom ken ki khserthom
Kamalna sajjalna l album eli ma najamt nsamih ken trips in rehab
Akhiran hassit rouhi andi haja najem nmedha lel 3alam
Lel jil eli wallit khayef la ma yefhemnich
Ama hassit eli hedheka eli andi bch nmedlou, w na radhi aala rouhi
Ama ba3ed ma kamalt w menghir tafasil
Tba3t fi 7it mnayek, tdharrit berasmi tekhnegt
Ma3adech najem nkoun part of the circle eli nalga rouhi fiha
I'm thankful b woujoud john, elli khdhe aleya l volant
W ma rakhech w hanneni aal khedma roghm elli howa bidou
Ken andou asbebou eli tkhalih ysayeb kol chay w kont ne3dhrou
Ama he didn't, bel3aks an9edh lmaw9ef
W wgef rajel w he was a superhero
Benesba laya na walit 3amel nafseyan netkhnag
Ma3adech legi gout fi hajet kont nestamta3 bihom
W kol crise maa rouhi kenet tzid takhla9 ni9at estefhem jdod
Lin rja3t lel asl w hrabt l nesi bl farcha
Hrabt l khweti, w 3ayelti, w lmarwen
Wselt nahki fi kol chay lkhouya lekbir
Elli 3omri ma golt godemou akther men jomla 3ala b3adhha
Khater lkhouf ken metmalekni
W omi w baba elli kenou mafjou3in, w ritha fi 3inihom
Nalga rouhi malzoum na7kilhom w nwadh7elhom halti,
Khater hassit ge3ed ndhi3 maa rouhi w men bin ydihom
W ma andi hata 7al ken naatihom elli fama kima howa
Na lyoum hamdoulah khir, w 7adher berasmi bch nmed l album lel nes
W fi ta7ason
Sober w b3id aala barcha bad habits kont ne7sebhom pleasures
W a9wa chwaya w satisfied w fakhour b woujoud nesi m3aya
W rabi yfarrej aal bousmi7
Ne7med fi rabi aala kol d9i9a, aala khweti, w 3ayelti nour 3inaya
W omi elli beli kenet khayfa aleya madetli 9owa
Fi klem man9ouch fi mokhi
W khouya lkbir elli ndemt aala kol la7dha 9bal t3adet
Wena menich 9rib menou kima wallit taw
W khweti elli rabi yfadhalhom w ya7mihom bel wa7da w yostorhom
W john eli ma khallenich wa9teli bdit nlabbez, w dhaya3t stilouya
W wallit dra kife nahki, w raja3ni f tor7 b sabrou maaya
W 3omrou ma 7kom aleya
W marwen w aziz elli jouni w raw7ou beya lel gasrine
Wa9telli ma kontech najem 7ata nfout beb edar
W supportouni w madouli m7abaa w emen meghir 7seb,
W saybou denyethom w wegfou maaya
Na eli mch fehem rou7i aslan chbini
I'm dropping this album for all of them
El album hedha lihom houma hdeya men galbi l gloubhom
Wallah la yhem chnowa bch yousel ya3mel walla mahouch bch yaamel
El album hedha lel nes eli wegfet w sabret 3ala eli t3adit bih lkol
W lhamdoulah 3ala barcha hajet
W menhom 3ala ennes eli samithom, w rabi ykhalihom
W nchalah rabi y9aderni w nfarra7hom bel we7ed
W na3tihom galbi w 3inaya eli nchouf bihom, w chwaya
W eli nheb notlob menou sme7 howa 4lfa fi bideyet el 3echrinet
Nheb ngollou samahni, je wa9t w khassertek fi tbi3tek
W galbek, w khallitek tet7at fi m7attat moch mte3ek
Khater i thought we were going with the flows, ama dho3t w dhaya3tek
Samahni khater khassertek hajet 3zez, mechi fibeli raba7tek flous
Samahni khater lwa9t hrab bina, w na ma khoftech alik,
Roghmeli khawaftek, w ma 7mitekch w ma khamamtech
Fi lyoum chnowa momkon ykoun yestana fik
W roghm elli 7left 3al wou3oud
Ama lwe7id elli najem nou3dou howa 4lfa mtaa ghodwa
W nchallah rabi ya3tina lwa9t etayeb
W y9adarni nkhalih ykoun fakhour beya
W beli bech ndha7i bih aala khatrou
I'm giving you trips in rehab