Zurrunbilo beltzenak ezagutu ditut
Barnean dudan deabrua kanporatuz
Ekaitz bortitzenak azalean jasan ditut
Barealdia itxoiten neure erruz
Ez dut nahi inoren barkamenik
Are gutxiago inoren epairik
Laban zorrotzen gainean
Sarri ibilia naiz dantzan
Eki gorritik hurbilegi askotan
Eta orain buruz behera erortzen ari naiz
Hanka sartu atera behin eta berriz
Ezin al dut ikasi kontrako bidetik?
Zuen geziek mantentzen naute bizirik
Itzuliko dizkizuet pozoindurik
Ez dut nahi
Guzti horren gainetik
Argia ez da itzali
Sugegorriak izorra zaitezte
Zuek segi mingainak astintzen
Bizirik nago