"Distantzia, denborak neurtzen duen distantzia,
Kilometroek neurtzen dutena,
Edo sentimenduek neurtzen duten distantzia
Helduko da distantziak noiznolakoa izateri utziko dion eguna
Zentzu guztietan gertu egongo garen eguna
Aske eta batera
Distantzia jartzea norberaren erabakia izango den eguna"
Guztiz ona den
Berririk ez dago
Guztiok ospatu ezean.
Hutsik dauden
Aulkirik gabeko afalondoak
Eta denbora mugagabeko elkarrizketak
Ez dira jada amets izango.
Bidean
Jartzen dituzten oztopoak
Norabidea aldatzeko
Ez dira nahikoak.
Aske
Izan nahi duten besarkadek
Kilometroak bidaiatu behar dituzte
Zentsura!
Manipulazioa!
Tortura!
Gezurrez
Apaindutako gertaerek
Errealitatea izateri uzten diote.
Aske
Izan nahi duten besarkadek
Kilometroak bidaiatu behar dituzte.
"Denok eman behar dugu zerbait gutxi batzuek
Dena eman behar ez dezaten, maite zaituztegu!"