Tiempu, a tiempu de guerra se dice
Dopu lu maru e lu duce
Furtuna pace se fice
A Libia m'hannu lassatu e cu ce cazzu me tornu
Allora ziccu e caminu...
Eh mò caminu caminu eh mò caminu caminu
Eh mò caminu caminu eh mò caminu caminu
Mese de giugnu era faugnu
Peccati 'ncuerpu fucile a 'ncoddhu
Facìa cinquanta sotta lu sole
E delirandu bivia sudore
A mente mente me dimandava
Com'era bessere la prima fiata
Pe na zinzala ni cacia coccia
Me scìra l'occhi a na beddha ciuccia
De l'anche soi me 'namurai
Cu la passione me la 'mbrazzai
Tutti alla chiazza faciane festa
Quandu rìvai sobbra la ciuccia
Alla gente tutta cota tuttu beddhu li paria
Ma jeu sacciu 'ntra la ricchia quante fiate li dicia
PACIENZIA BEDDHA NU TE 'MPUNTIDDHA JENI JENI ALLU PAISE MANCI E BIVI TE PASHÀ
PACIENZIA BEDDHA NU TE 'MPUNTIDDHA SCIAMU SCIAMU ALLU PAÌSE FACI VITA TE PASHÀ
Ma de ci è fiju cunta la gente
Nu forastieru rìatu te l'oriente
D'oru e d'argentu lu 'nturnisciara
Pe lu tabaccu ca fore spitturrava
A prima notte alla 'nchianata
La ciuccia niura s'ha 'mbestialita
'Nchiana la raggia e bucca la candìla
Focu alla paja ca focu stessu tira
Ardì una lampa parìa na guerra iddhu e la ciuccia tramurtiti a 'nterra
Du dhu momentu lu battezzara Pantaleone cu la ciuccia nera
Na storia vera v'aggiu cuntata!? Pantaleone cu la ciuccia nera
PACIENZIA BEDDHA NU TE 'MPUNTIDDHA JENI JENI ALLU PAISE MANCI E BIVI TE PASHÀ
PACIENZIA BEDDHA NU TE 'MPUNTIDDHA SCIAMU SCIAMU ALLU PAÌSE FACI VITA TE PASHÀ