Felís Galean avia emparat
A mendicar lo sieu pan
Ai forestiers dau Casinò
Diguèt un jorn a Noré Ciais
Dau nissart ne'n fan un can!
Aqueu monde lo capissi pas me'n vau
Vau dont espelisse l'estela dau sera
Sus li ribas d'en Palhon
Vau dont espelisse l'estela dau sera
Sus li ribas d'en Palhon
Qoura an tirat en Pelegrini
Encausa d'una mita
N'an arrestat tres de l'As de pica
Degun dai tres a parlat
En galera an mandat Noré
En junh dau mil-nòu-cent-vint
Non veirà plus nàisser l'estela dau sera
Sus li ribas d'en Palhon
Non veirà plus nàisser l'estela dau sera
Sus li ribas d'en Palhon
Un òme volía crompar
La maion de Noré Ciais
Felis li respondèt vai-t-en
L'argent non pòu pagar
La vergonha e la folía
N'autres vendèm pas la terra dai vivents
Noré revendrà coma l'estela dau sera
Sus li ribas d'en Palhon
Noré revendrà coma l'estela dau sera
Sus li ribas d'en Palhon
Pi lo temp a passat
Noré Ciais es revengut
Li febres de Caiena l'an crucit
Sai Noré cau pas laissar crèisser
L'erba sus lo camin
Que mena a la maion d'un amic
Oh Felis mon fraire li serà basta d'erba
Per curbir lo mieu còr ferit
Oh Felis mon fraire li serà basta d'erba
Per curbir lo mieu còr ferit
Entant
Vòli veire un darrier còup l'estela dau sera
Sus li ribas d'en Palhon
Vòli veire un darrier còup l'estela dau sera
Sus li ribas d'en Palhon