نبداو نحكيو من اللّوطة حتّى نخلطو للفوق
تسكّر وذنيك، اتّلف ما تسمعش نحط البوق
عايش في الدنيا كيف الصّمبة ما تبيع شيء في السوق
حلّ آك الفم، تكلم، حرّية لسانك مطلوق
هاذية بلادي و نحكي فيها مانيش مجنون
ويني الحرية وقتلّي تمشي تشوف السجون
حاكم يخلبز بالفلوس يبيعوا في القانون
وين الصحافة وين الإعلام وين التيليفزيون
في كل محل منين تمشي تلقى صورة المعلم
في الكياسات شوارع البلاد الحنوشة تفلم
وين القرّاية وين الناس وينك يا المتعلم
نشوفوا في الهم و الغم و حد ما يتكلم
ورقة ستيلو ضد الريح, ما تخبيش الي تشوفو صحيح
برشا حفر, عينيك لا تطيح في اللوطا
عيش راجل, قلبك صحيح, ما تخلي الكرامة تطيح
أحكي, كلم, ناقش قول ليبرتا
ورقة ستيلو ضد الريح, ما تخبيش الي تشوفو صحيح
برشا حفر, عينيك لا تطيح في اللوطا
عيش راجل, قلبك صحيح, ما تخلي الكرامة تطيح
أحكي, كلم, ناقش قول ليبرتا