Jezus krouedur, tro d'ho kavell
Galvet omp bet get boued an Ael
Chetu-ni 'taldoc'h tolpet
Jezus krouedur, ha ni ho ped
Pe oé an holl get o repoz
Er gouiañv yen, e-kreiz an noz
En ur groc'h paour, o Salvér dous
Vennet e hoes ganiñ didrouz
Kalon an dud, en amzer-hont
E oé kalet ha divergont
Hag en noz-se, allas, allas
Ho Mamm ar Werhiez e ouilas!
Kaer he deus mont ha mont dre gêr
Hani ne venn he degemer
E'id lakad er bed ar Mesi
Ne gav 'meit ur c'hoc'h marchaosi
Mard doc'h a beb bro forbanet
Deit da diezh ar Vretoned
Deit d'o ziezh: Gete an nor
El o galon a zo digor
Ar Vretoned a zo tud paour
N'o deus ket sei, n'o deus ket aour
Paléz erbed n'ho po ganté
Jezus krouedur, 'meid Karanté!