Lo vèr Lèspri la pik son kèr
Dévor son vi, gat son savèr
Modi lodvi la sèrv ali
La vid lo tro plin dan' son vi
Kont in'ti vèr li kont son vèr
Dévèrs son kèr dési zot kont
Pou in, dé vèr li sant in lèr
Lèr bwar in kou rod pi dé kont
Lo vèr larak ral son fanal,
Lokor an vrak dan' bor kanal
Lèspri lo rom mont son bébèt
Déliryom la démont son tèt
Déliryom dovan li tout otour
Son vyé fantom
Son lèspri zwé dé tour
Tout i transform
Lésans' la dan' son san,
La bril tout' lès la sand'
Lokor la lé an lok
Déliryom
Déliryom
I tonm' la dan' somin, tout i dislok
Gard in pé l'boug atèr la,
Son lérans o apèz lokèr la
Bondyé syouplé, lasé soufèr
Son vi la'ni lanfèr
Son vi la'ni lanfèr