Ln Eegelse ziën ich de Laura nog ligke
De koel die et Wormdaal mit sjlaam hat gevuld
En neêve deur loog nog heur zjwester, de Julia
Die hool doe et dörpke in koeldamp gehuld
Bej et plaetsjke Gelaen hauwste destieds de Maurits
D'r prins van de koele zoè sjoên neujerwets
Et plaetsjke dat gong wie 'n waerelrlsjtad grujje
En de koel die verdween inne oerwoud van flats
Lch han ze gekant
Al die koele en kuulkes
Ich han doa gewirkt en gesjpild nog es jonk
Woê zint ze gebliëve mieng koele en kuulkes?
Vuurgood noe vertrokke, terük in de gronk
Op de Sjpekkelzerhei woar de Willem-Sophia
D'r sjteeberg van deur loog bis wied op de Grach
Deê sjtöbde, deë zjwaamde deê sjtonk en deê walmde
Deé leures, dat rookste deë brand daag en nach
Lnne broenkaoleveld loog de groêtmodder Emma
Me sjprook ronkseröm doe nog zuuver Gebrooks
En auw kolonieje wie Treebeek en Passart
Die zint nog gebouwd dao mit winst van d'r cokes
Lch han ze gekant
Al die koele en kuulkes
Ich han doa gewirkt en gesjpild nog es jonk
Woê zint ze gebliëve mieng koele en kuulkes?
Vuurgood noe vertrokke, terük in de gronk
D'r Lange Jan en et Lies waore doe de symbole
Van de Heêlesje koel die ON woéd geneumd
Wat han ich doa deks miene nak sjtoa verrekke
En umhoëg kiekend sjtil van d'r hiëmel gedreumd
De twiêde ON-koel die vongste op Sjaasberg
Die nomt me De Twië of 'de Koel van d'r Sjeet'
Heêlehei hauw De Drei, de sjtolz van de Gaoswei
En get wiër loog De Veer, woë d'r Hekseberg sjteet
Lch han ze gekant
Al die koele en kuulkes
Ich han doa gewirkt en gesjpild nog es jonk
Woê zint ze gebliëve mieng koele en kuulkes?
Vuurgood noe vertrokke, terük in de gronk
Op Terwinsele loog de auw Wilhelmina
De sitaatskoel van 't dörp, dus dat hit huuj, D'r Sjtaat'
De Hendrik in Brunssum is rujjig gao sjloape
Die weëd noe bewaakt durch 'ne Afcent-soldaat
De eujdste, de kromste mar wiedoet de leefste
Waor 't kuulke van Kirkroa, de,, Holländsje koel"
Van iëlend versjliëte, verzakt in zieng riëte
Mieng gow Domaniale, ich gèf dich ing moel
Lch han ze gekant
Al die koele en kuulkes
Ich han doa gewirkt en gesjpild nog es jonk
Woê zint ze gebliëve mieng koele en kuulkes?
Vuurgood noe vertrokke, terük in de gronk