من گوڵێکی سیس و ژاکاوم وجودم پەڕپەڕە!
چەرخی سپڵەش بولبولێکە و هەر وەکو خۆی دڵ تەڕە!
تۆش هاودەستی چارەنووسی و بۆ نەمانم حەوڵتە!
ئێوە دوون و من یەکێکم، کەی ئەوە ڕەسمی شەڕە؟!
دوژمنی وەک تۆم نەدیوە، پڕ بە دڵ خۆشم دەوێی!
قەستی گیانیشت ئەگەر بێ، هەر بەلامدا تێپەڕە!
چاوەکەت جەلادمە و پرچت تەنافی گەردەنم
بۆتە سێدارەی من، ئەو بەژنەی دەیانگووت دلبەرە!
مەرگی من، کە زۆر لەمێژە بۆتە ئاواتی دڵت!
من دەمرم و تۆش بە ئاهەنگی نەمانم هەڵپەرە!
من گوڵێکی سیس و ژاکاوم وجودم پەڕپەڕە!
چەرخی سپڵەش بولبولێکە و هەر وەکو خۆی دڵ تەڕە!
تۆش هاودەستی چارەنووسی و بۆ نەمانم حەوڵتە!
ئێوە دوون و من یەکێکم، کەی ئەوە ڕەسمی شەڕە؟!
دوژمنی وەک تۆم نەدیوە، پڕ بە دڵ خۆشم دەوێی!
قەستی گیانیشت ئەگەر بێ، هەر بەلامدا تێپەڕە!
چاوەکەت جەلادمە و پرچت تەنافی گەردەنم
بۆتە سێدارەی من، ئەو بەژنەی دەیانگووت دلبەرە!
مەرگی من، کە زۆر لەمێژە بۆتە ئاواتی دڵت!
من دەمرم و تۆش بە ئاهەنگی نەمانم هەڵپەرە!