Jesus frɛ hɛn! Sɛ hɛn bra po
Wor mpo a, yɛtse Ne ndze
Ne ndze dɛɛdɛw n' gyigye daa daa
Ɔse: Christian, ka Mo do
Tsetseber do asomafo n'
Tsee wɔ Galilee po do n'
Wogyaa ebusua, fie nye edwuma
Kɛkaa' No a wɔdɔ No n' do
Jesus frɛ hɛn dɛ mma yɛnnsom
Wiadze mu ndzɛmba huhuw
Ɔhwɛ ndzɛmba a wɔsom hɛn bo a
Ɔse: Christian, dɔ M' kyɛn hɔn
Enyigye nye awerɛhow mu
Dwumadzim' nye ahomgyem'
Ɔda ho frɛ hɛn dɛ yɛndɔ N'
Ma ɔkyɛn adze nyina
Jesus frɛ hɛn! O Agyenkwa,
Yɛserɛ W', ma yɛntse Wo frɛ n'
Hɛn 'koma nyɛ setsie mma Wo
Yɛndɔ W' nkyɛn adze nyina