ባያስችለኝ ባይሰጠኝም ፈቃድህ
ስማፀንህ ደጅህ ቆሜ በእናትህ
አይምሽብኝ ባዶ ሆኜ እንደገና
አንተዉ ሙላዉ ጎዶሎዬን ፈልግና
እንደገና እንደገና
ጎዶሎዬን ሙላዉ ፈልግና
እንደገና እንደገና
አይምሽብኝ ባዶ ሆኜ መና
♪
መስዉር ጥበብህ ከአንዷ ነብስያዬ
የሰራሃት ህንፃ እቺ አፈር ስጋዬ ገላዬ
እኔነቴን ሆና ከእናቴ ከአባቴ
ተከፍላ ከመጣች ከአለማዊዉ ቤቴ ቤቴ
አሀሀሀ ስንት ዘመን ሆናት ነፍሴ ከራሷ ጋ
አሀሀሀ አንድ ሆና ስትኖር በተፈጥሮ ፀጋ
አሀሀሀ መላዉ ሳይቸግርህ ምላሽ አትንፈጋት
አሀሀሀ ለነፍሴ በልኳ ነፍስያዋን ስጣት
እባክህ እባክህ እባክህ አምላኬ
ስለምንተ ማሪያ ስልህ ተንበርክኬ
መለስ አርገዉና ፊትህን ወደ እኔ
አይተህ ፅደቅብኝ የራሴን ሰዉ ለኔ
እባክህ እባክህ እባክህ አምላኬ
ስለምንተ ማሪያ ስልህ ተንበርክኬ
መለስ አርገዉና ፊትህን ወደ እኔ
አይተህ ፅደቅብኝ የራሴን ሰዉ ለኔ
♪
ባያስችለኝ ባይሰጠኝም ፈቃድህ
ስማፀንህ ደጅህ ቆሜ በእናትህ
አይምሽብኝ ባዶ ሆኜ እንደገና
አንተዉ ሙላዉ ጎዶሎዬን ፈልግና
እንደገና እንደገና
ጎዶሎዬን ሙላዉ ፈልግና
እንደገና እንደገና
አይምሽብኝ ባዶ ሆኜ መና
♪
ትላንትናም ዛሬም ለትልቅ ትንሹ
በረከተ ሰላም ብርሃን በደማቁ
ስታድል እያየሁ ከቀን እስከ ማታ
እኔም ተሰልፌ ባነበርከኝ ቦታ ቦታ
አሀሀሀ እሰይ አሜን አሜን ልበል ጌታዬ
አሀሀሀ ኮቴዋን አሰማኝ ስትረብብ በአልጋዬ
አሀሀሀ ወጋገኗን ልያት ጨረቃን ሸኝታ
አሀሀሀ ይንጋልሽ ስትለኝ ጀንበር የኔን ፋንታ
እባክህ እባክህ በል ፍታልኝማ
አልገለጥ ያለን የቀኑን ጨለማ
ሰምና ወርቅ እንጂ እህ አልፈታኝ ያለዉ
ህብረ ቃሉንማ እኔም ችዬዋለዉ
እባክህ እባክህ እባክህ አምላኬ
ስለምንተ ማሪያ ስልህ ተንበርክኬ
መለስ አርገዉና ፊትህን ወደ እኔ
አይተህ ፅደቅብኝ የራሴን ሰዉ ለኔ