Et kom su wie et kumme moot
Der Köbes hätt noh dir jefrog
Un meint wat maache mer dann jetz?
Jo dinge Deckel dä wör rund
Hä söök dich zick ner halven Stund
Dat hät hä su noch nie erlääv
Ich han dich ävvens noch jesinn
Jetz bes du fott löss mich allein
Ich roof dich an - du jeihs nit dran
Häss du dich uss dem Staub jemaht?
Un nur op polnisch tschüss jesaht
Häss noch die nächste Rund bestellt
Un ich stonn he janz ohne Jeld
Saach wat maach ich mit demm runde Deckel vür mir
Domit han ich ja nix am Hoot
Vun denne fuffzich Stange wore feezich vun dir
Jetz stonn ich he wie ne Idiot
Keiner hilf mer in der Nut
Su ne Fründ wie dich zo han
Es wie ne kleine Pittermann
Schneller fott als mer et denk
Bes ne doll - Häss kei Jespür
Du bes Jeschenk noch vill zo düer
Söns fingste och niemols e Engk
Häss dir e Mädche aanjelaach
Un jeihs verschött für drei vier Daach
Se hätt dir d'r Kopp verdrieht
Ich setz allein he an der Thek
Saach wat maach ich mit demm runde Deckel vür mir
Domit han ich ja nix am Hoot
Vun denne fuffzich Stange wore feezich vun dir
Jetz stonn ich he wie ne Idiot
Keiner hilf mer in der Nut
Saach wat maach ich mit demm runde Deckel vür mir
Domit han ich ja nix am Hoot
Saach wat maach ich mit demm runde Deckel vür mir
Domit han ich ja nix am Hoot
Vun denne fuffzich Stange wore feezich vun dir
Jetz stonn ich he wie ne Idiot
Un keiner hilf mer in der Nut