مشكلتي معاك أكبر مشكلة
مشكلتي إن أنا مش متحملة
إن أنت يكونلك أي صلة
بالناس حواليك
أسئلتي كتير مالهاش أجوبة
أنا ليا ساعات وساعات متعبة
بس متنكرش إن أنا طيبة
وخايفة عليك
عايزاك ليا لوحدي
مش عايزة حاجة تشاركني فيك
عايزاك متشوفش غيري
دايمًا في سيرتي وصورتي في عينيك
مش شك فيك، ده خوف عليك
أنا أصلي بموت لو واحدة غيري
جات عينيها في عينيك
♪
إحساسي بيك اللي وصلتله
أكبر بكتير من اللي أتخيله
مستغرب ليه من اللي أنا بعمله
من حقي أخاف
أنا عارفة إن أنت تحملتني
بس أنت بطيبتك وصلتني
أحبك أكتر ما تحبني
أضعاف أضعاف
عايزاك ليا لوحدي
مش عايزة حاجة تشاركني فيك
عايزاك متشوفش غيري
دايمًا في سيرتي وصورتي في عينيك
مش شك فيك، ده خوف عليك
أنا أصلي بموت لو واحدة غيري
جات عينيها في عينيك