Калі глядзець на неба раскрытымі шырэй вачыма
То можна зоры ўбачыць днём і ночы не чакаць
А тым небе птушка прэч ляціць быццам жанчына
Што з тваёй восені зышла сваю вясну далей шукаць
І каб за ёю босы не кінуўся ты бегам
Бясснежны снежань, засыпь яе сляды ты снегам!
Снегам-снегам-снегам-снегам-снегам-снегам-сне
На новы год ты ёй прымроіся ў сне
Ці, як спяваў Джо Роберт Кокер
"А можа не?"
Ў халодным парку чалавек у задуменні
Збірае тару каля лавак, і даўно не лічыць дні
Як алкаголік у чацвёртым пакаленні
З кожнай бутэлькай набліжае ён паўлітра цеплыні
Каб здаўшы тару зноўку не запіў з суседам
Бясснежны снежан, засыпь тыя бутэлькі снегам!
Снегам-снегам-снегам-снегам-снегам-снегам-сне
Ён кіне піць і больш не будзе жыць на дне
Ці, як спяваў Джо Роберт Кокер
"А можа не?"
Каляды - час нанова выбраць накірункі
І тварам стаць пад невядомыя сустрэчныя вятры
А што там новы год нясе за падарункі?
Хочаш выбраць сам? Ўставай, ідзі бяры!
Каб на каляды не было тут месца бедам
Бясснежны снежань, засыпь мае каляды снегам!
Снегам-снегам-снегам-снегам-снегам-снегам-сне
Хачу дамоў, і каб узоры ў вакне
Снегам-снегам-снегам-снегам-снегам-снегам-сне
Дамоў, дзе я маленькі ў фатакартцы на сцяне
Снегам-снегам-снегам-снегам-снегам-снегам-сне
Каб звонку зімна, а ўнутры цёплая коўдра
І як спяваў Джо Роберт Кокер
І як спяваў старэнькі Кокер
Ці, як спяваў нам Вакарчук
"Усё будзе добра"