Cesare Basile - Canzoni addinucchiata - текст песни и слова, похожие исполнители

Kishore Kumar Hits — Cesare Basile - Canzoni addinucchiata текст песни

Исполнитель: Cesare Basile

альбом: Cesare Basile + Le ossa di Colapesce

L'armuzza di me matri mi lassàu
Sgravata dô piccatu da me carni
Mancu 'u vattìu ci potti e m'arristàu
'A curpa ca purtava supra ê spađđi
Ancunicchiàta sutta la currìa
'A peđđi m'allisciàunu a tumbulati
Santa Maria s'havìa scurdatu 'i mìa
Sutta ê patèđđi cìciri caliati
Assammaràva c'aveva deci anni,
Malu mistèri ha statu 'a lavannàra
Beđđi dinocchi ci lassàj ê petri
'I manu s'annïàru 'nta ciumàra
Finíu la guerra e s'accapàu l'amuri
ô friddu era e 'u friddu sû purtàu
Ju m'anciccàva 'nterra pi prïàri
Ma menzu 'a nivi 'a nivi sû curcàu...
Doppu vint'anni ancora a dinucchiùni
Calàta p'arricògghiri 'i frastuchi
Calàva 'u suli e ju non m'addrizzava
'U jarmu dô camperi mi vuleva
Carrabbinera trasi 'a morti 'n casa
Santa Maria s'arrïurdàu di mìa
Cunortu fu me matri ciaurùsa
Nun lassu nenti e nuđđu sdillanìa
Dintra ô tabútu ô scuru 'un haju abbèntu
Nun haju piacìri a stari stinnicchiata
è 'a prima vota e cu mi l'hav'a diri
Calàtimi 'nta fossa addinucchiàta,
è 'a prima vota e cu mi l'hav'a diri
Calàtimi nta fossa addinucchiàata...

Поcмотреть все песни артиста