A xeito de cego veño
A decilo que xa dixo
O tío Marcos da Portela
Polo primeiros de sigro,
As miserias que pasamos,
Os delores que sofrimos,
A emigración que nos mata
E que nos ten consumidos.
Esta falta de xusticia
Que nos ten aterecidos,
Andando co pico aberto
á esculca do grao de millo.
Os aldraxes que nos fan
Na ciudá e no municipio,
O pagar como empresarios
Pra que outros se fagan ricos.
O leite que nos mal pagan
E venden a trinta e cinco,
E por riba a democracia
Que asta agora é un conto chino.
As contribuciós que botan
ó noso lombo os políticos,
As xogadas dos alcaldes
Que son xogadas de pillos.
Se pedimos que Galicia
Volva a telo seu esprito
Mángannos a autonomía,
Que os caciques son moi listos.
Debemos tomalo a groma,
Rirnos todos e máis rirnos,
Veña un trago, compañeiros,
Se non hai pan, veña viño.