1- La saison suifés la fini passé
Jusqu'à band voleurs
On dirait qu'y fréquente pis Saint-Pierre
Pourtant hier au soir
Té y commence un peu tard
Vers les dix heures un quart
Mi entend in désord' dan parc canards
Mi di dans mon coeur: a toué mon voleur
Attend in' ti quart d'heur
Ta oir si ti rêve pas ton grand-père
Trap' mon fusil deux coups, mi di mon femme
Trap' mon fusils deux coups
Crie crie pas trop fort
Fais attention band marmaille y dort,
Guette dessous mon lit
Toué va trouve in gros bout' planche sapin
Oui, ri à toué bien
Ta l'her toué même n'aura besoin.
Ma passe par devant, mi dis mon femm'
Ta marche par derrière,
Fais pas trop désord'
Amène aussi dé trois mètes la corde
Avec deux gabiés comme nous
N'aura pis d'volers
Laisse ma largue à li
Dé coups d'fusil dan' son derrière
2-Moin la sort quat' pattes
Mon femm' par derrrière
Mon kèr té y batte
Mais la pas po ça qu' moin l'avais pèr
Comme té y fait noir
Moin la pas gaign' bien oir
L'hèr qu'mon volèr d'canards
La v'ni bite ek moin dan' fait noir
Mon femm' l'était là
Aussi moin la rent' dans l'rond
Comme y dit not' patois:
Y faut jamais tremb' devant gratton
Moin la réussi largue dé trois coups d'pieds
Dé coups d'pongs dan' vide
Seul'ment croire à moin
Coup d'bois mon femm' té in pé plus rapide
Moin la vu z'écalir, oui mi dit à zot
Moin la pense cerceuil
L'hèr qu'planche sapin là
La ramasse à moin dan' coin z'oreil
L'hèr qu'mi essaye levé, devine à zot,
Quoué qu'mi aperçois
Mon belle femm' en train
D'amarre à moin ek in corde choca
Amélie, mon femm' mi di à li
Quoué qu'toué l'après fait
Mon même ton mari
Volèr canard toué la laisse chaper
Dernier refrain
Aussi désormais si in volèr
Y vient vole mon canard
Ma connaît' ça qu'y faut faire
Po pis sot' dan' fait noir
Ma envoye mon femm' li tout sèl
Car moin lé pas si bête
Po moin aller fait mett'
In deuxième bosse derrière mon tête.
Auteur / Compositeur: Jules JORON