Kwé i lé Granmounté Mandela?
Kwé i lé Granmounté? Amont amwin
Kinm in kalot oté Mandela
Twé la pa mèt dan la gèl banna
Twé la pèt amwin.
Kwé i lé la Dinité Mandela?
Kwé i lé la Dinité? Amont amwin
Kaminm i pouléré Mandela
Non twé la pa souplé
Twé la mèt amwin.
Kwé i lé Léternité Mandela?
Kwé i lé Léternité? Amont amwin
Vinnsétan kasoté Mandela
Kék lalmanak izé
Twé la mèt amwin.
Wo Mandela la
Kélaz li nana sa?
Na laz Lazani sa!
Na laz Lazani sa
Na laz Lazani sa.