A gachar vers la luencha mar
Si metèt pi la luencha fònt
Emb'au chalo
Per cochar de pensiers amars
E per mancança de saupre-far
Tanquèt l'uelh au canon
Dau chalo
E 'sto veire
Li fèt veire
Lo morre jaune d'un gòbi gigant
Que li fa en cantant
Tot es luenh
Tot es plan
Tant darrier coma davant
Tot es tòrt
Tot es clin
Tant defòra coma dedins
Aqueu de chalo!
A gachar vers sa luencha fin
Si metèt pi lo luench amor
Emb'au chalo
Per cochar de pensiers clins
E s'esparnhar quauque matin
Tanquèt l'uelh au canon
Dau chalo
E 'sto veire
Li fèt veire
Un avion que s'estirassa un drapèu
Dont si liege ben lèu
Tot es luenh
Tot es plan
Tant darrier coma davant
Tot es tòrt
Tot es clin
Tant defòra coma dedins
Aqueu de chalo!
E ieu l'òme dau país clin
En luencha bosca d'un rebomb
Au chalo
Per acabar m'ai vielhs festins
E avant de virar capochin
Ai tancat l'aurelha au canon
Dau chalo
Mi fèt sentir
L'ai bel' auvit
Un còro de quatre o cinc chocatons
Chapinant 'sta cançon
Tot es luenh
Tot es plan
Tant darrier coma davant
Tot es tòrt
Tot es clin
Tant defòra coma dedins
Luenh
Plan
Darrier
Davant
Tòrt
Clin
Defora
Coma dedins
Aqueu de chalo!