Ar lannau afon Clettwr
Yn blentyn maged fi
A ches fy suo i gysgu
Yn swn ei dyfroedd hi
Ac yno bum yn chwarae
Yn blentyn nwyfus iach
A cheisio dal brithyllod
Yng nghrydiau Clettwr fach
Mae dŵr yn troi melinau
Wrth fyned ar ei hynt
A rhod y ffatri hefyd
Fel yn y dyddiau gynt
Ymysg y drain a'r eithin
Mae'n tarddu ar y rhos
A llif y blodau gwylltion
O gylch ei ddwy lan dlos
A phan daw dydd fy nghladdu
Torrwch fy meddrod i
Ger dwy lan afon Clettwr
Yn sŵn ei dyfroedd hi