Addíu ca forra aceddu ca vulassi
E poi abbulassi nda na masseria
Tutti li mietitura salutassi
Prima lu capu e poi l'amanti mia
La fauci di lu pugnu ci luvassi
Ci ricissi arriposa amanti mia
E nfazzulettu biancu ci tirassi
Stúiti stu sururi e pensa a mia
♪
Addíu ca pisci finu mi facissi
Vinissi 'n piscaturi e mi piscassi
Matina a lu mircatu mi vinnissi
A 'n picciutteddu cu na vuci chiara
Vinissi lu me amuri e m'accattassi
Nta na paredda ri uoru mi friissi
Nun mi 'nni mporta s'iddu mi manciassi
Basta nta lu so cori mi purtassi
♪
E tulì tulì tulì
Quattru fimmini e 'n tarì
E 'n tarì ca è troppu pocu
Quattru fimmini e 'n priccocu
E 'n priccocu e troppu aruci
Quattru fimmini e na nuci
E la nuci è troppu rura
Quattru fimmini e na mula
E la mula ietta cauci
Quattru fimmini e na fauci
E la fauci avi lu pizzu
Quattru fimmini e 'n varbizzu
E u varbizzu avi l'ali
Quattru fimmini e 'n canali
E u canali ietta l'acqua
Quattru fimmini e na vacca
E la vacca avi li corna
Quattru fimmini e na donna
E la donna voli satari
Supra i spaddi i mastru Natali
Mastru Natali co spitu 'n coddu
Passa u ciumi e si stocca u coddu
E tulì tulì tulì
Quattru fimmini e 'n tarì
E 'n tarì ca è troppu pocu
Quattru fimmini e 'n priccocu
E 'n priccocu e troppu aruci