خلقنا ما بين حيوط الروح
و شوارع كي الغابة
فقنا على سفرة بلاش رجوع
و الي يطيح يهون
مشينا مع ريح زمان يدور
ضيعناله حسابه
ضعنا في غريق بحر يغور
و حوت ياكل في حوت
سماك الليلة بلاش نجوم
الشارع ضايع فيك يحوم
كرهت الدنيا إنس و جان
كرهت الزطلة و الدخان
سرحنا ما بين أوهام سموم
و الحاكمين فينا ذيابة
أحنا الي عشنا العام في يوم
و كبرنا في وسط الشوك
حلفنا بالدم بالقهر بالجوع
و بالنار اللهابة
رسينا على كلمة حق تثور
و إلي يطيح... يقوم
سماك الليلة بلاش نجوم
الشارع ضايع فيك يحوم
كرهت الدنيا انس و جان
كرهت الزطلة و الدخان
علاش البارح و لاش اليوم؟
غدوة نهار و فيك مرهون
أرفع راسك خلي تراس
زنوس و واقف بين الناس