يتفكر كيف ما كان زمان ولد صغير
يحلم يكبر كي خواتو يعاون أمّاليه
يتفكر حر الشمس الحامي و برد الليل
وبلي باش ينسى مش تا ينسى صوت الذيب
يتفكر ڨالو المكتب غالي وزيد بعيد
زيد ڨالو عليه زوالي حافي في ساڨيه
يتفكر عدى حياتو سارح كيف الريح
و طارت السرحة كيف الارهابي يسأل فيه
"شنوّة أسمك؟
إسمي مبروك...
يتفكر أول دمعة روات عطش العين
تصويرة أمي زعرة لمعت في عينيه
يتفكر ضو الشمعة الميّة في ابادين
بر بكلّو سلاطنيّة و مافيه سلاطين
يتفكر جاه العسكر ڨلو شفما جديد
تبع جرت الإرهابي فلوس أنا نعطيك
ماجاش لبالو جيش الدولة يخدم بيه
الدولة اللي تخدم بالارهابي اليذبح فيه
"شنوّة أسمك؟
إسمي مبروك...