Die erste die Gschicht erzöht a kugelrunder Russ
Vur erm steht a Hoibliterglasl Spiritus
Und die Haxn vom Sessel biagn si durch, dassd glaubst
Dass erm glei am Boden haut
An Jogger hat er aun, a Loch in da Hosn
A Kapperl, an Bort und dreckiges Lochn
Er hoit tiaf Luft und nimmt no an Schluck
Ois wort auf sei Gschichtl
Des er glei druckt
Erzöht von ana Wohnung in da Nobilegossn
Eh so kla, boid wird er nimmer einipassn
Jo de is so kla, do kaunst di netamol umdrahn
Kuchl, Heisl, Schlofzimmer, ois in am
Is so kla, do kaunst di net bewegen
Und im Eck steht a Bett
Mit da Mutter danebn
De sudert mit erm in da Fruah und am Obend
Auweh, auweh, Bua, wosd ma du antuast
Sterben mecht i und wies do ausschaut
Suach da endlich a Frau de do a bissl zammramt
Wauns deine Pornos sieht
Rennts eh glei davo
Dassd di du net genierst, des wundert mit scho
♪
Da Zweite is da Willi, da Chef von der Hittn
Mit seine langen Federn sitzt er do, hot a scho an sitzn
A Peckerl am Ärmel mit an Kopf von an Tiger
Die Tigers worn sei Gang und er wor da Leader
Waunst mit denen an Wickl ghobt host
Bist besser grennt
Die worn im fuffzehnten a Mocht, de hot jeder kennt
Und da Willi hot a Tochter ghobt
De hot si'n goidenen gebn
Er hots gfunden im Zimmer, mit da Pumpn daneben
Im Handy wor no die Nummer vom Django drin
Du host ihr des Zeig andraht und jetzt is hin
Die Bim fohrt noch Simmering
I kauf da an Fohrschein
I brich da des Gnack
Und du steigst in dein Sorg ein
♪
Do sitzns zamm, die Halodris
Do wird erna net fad
Und wauns olle do san
Wird des Tiarl zuadraht
Hatschata sogns zum dritten in da Hittn
Hot er mitn Voda gstritten
Hot ern eingsperrt in a Kistn
Scher di in Hoizpyjama, hots daun wieder ghassn
Amoi hotan vagessn
In da Kistn sitzn lossn
Noch zwa Wochen is da Haxn ogsturbn
Homs erm miassn amputieren
Und erma Prothesen besurgn
Jetzt sitzt er do mit sein hölzernen Ban
Pickt an zaum, zünd erm an und wird wach
Blost den Rauch ins Gsicht von der Hur
De auf sein Schoss hockt, sie sogt
Daj mi cigaretu, jebo ti kurac