Sempre at nau su deus beneittu
Giughidebos sa paghe e s'allegria
E gai Sonos in Cumpanzia
Su cussizu at leau a filu drittu
Cussu melodiosu organittu
De su sonette a bucca s'armonia
'Oghe intonada sighit sa poesia
Trunfa e chiterra alligran su ballittu
A divertire custu mundu intreu
Cando semus in mesu sa pelea
Pesana ballos pro sa 'idda intrea
Pagas pessones pro dare recreu
Sun sonos in cumpanzia
Fascados de bonu coro
Fatemus mannu tesoro
A sa sarda terra mia
Sun sonos in cumpanzia
Intessidos de amistade
Semper chin amore e paghe
Bivedas in allegria
A coronare tottu a galania
Mai sonet a luttu sa campana
Sa zente iscultet gioiosa e sana
Sos sonos de custa cumpanzia
Setzidas in piatta o a s'area
Che ogada dae conca ogni anneu
E est bistada una bella idea
A ponner mente a su chi at nadu deus
Sun sonos in cumpanzia
Fascados de bonu coro
Fatemus mannu tesoro
A sa sarda terra mia
De frades e amigos bonos
Chi siet ricca custa vida
Sa Sardigna tott'unida
In cumpanzia sun sonos