Non potho riposare amore, coro
Pessande a tie so donzi momentu
No istes in tristura, prenda d'oro
Nè in dispiaghere o pessamentu
T'assicuro ch'a tie solu bramo
Ca d'amo vorte, d'amo, d'amo d'amo
Si tue non bi podes riposare
Non riposa Diosa, amore, coro
Frequente mi ponzo a lacrimare
Pessande ch'est luntanu su ch'adoro
Ite m'inporta chi brames a mie
Si non ti tenzo a curzu rie rie
Sa bellesa e tramontos, de manzanu
S'alba, aurora, su sole lughente
Sos profumos, sos cantos de veranu
Sos zeffiros, sa brezza relughente
De su mare, s'azzurru de su chelu
Sas menzus cosas dò a tie, anzèlu
Su veru bene, coro, tenzo in sinu
E s'anima s'esaltad e sa mente
Pessande a s'isplendore 'e su divinu
Amore, veru sole d'oriente
Si tue, coro, ses ispasimante
Diosa, crede, ch'est agonizzante