Gigi Leung - 音樂說故事 - 第五集紅心 - текст песни и слова, похожие исполнители

Kishore Kumar Hits — Gigi Leung - 音樂說故事 - 第五集紅心 текст песни

Исполнитель: Gigi Leung

альбом: PRELUDIO

梁詠琪《音樂說故事》
第一集：電腦
講個秘密你哋知啊
我好鐘意睇人哋嘅電話有咩apps咖
因為每個唔同性格嘅人
都會下載唔同嘅apps
有人個電話成頁都係跑步健身apps
有人呢就有好多好多唔同相機同執相apps
有人呢就
哇好靚喔呢個apps果d畫咁靚嘅
用佢嚟畫水彩畫好似真嘅一樣喔
餵你唔好睇佢電話啦
哦嗨哇你個樣好攰喔
唉係啊做咗就嚟二十個鐘
真係電腦都就嚟頂唔順了
啊唔好意思你嚟咗咁耐
宜家先得閑理你
唔緊要
我睇你主人喺度畫嘢真係好享受咁啵
我第一次睇人喺電腦畫畫咋
你主人真係好多job喔做到咁夜嘅
冇錢咖應該係話未有錢
佢啱啱先畢業好多時d job 傾傾下
人哋就話唔駛了冇budget啊嘛
所以佢咪想參加繪本比賽
一嚟有獎金二嚟又多人認識喔
所以你咪成日見佢畫啊畫畫啊畫咯
我都好鐘意睇繪本咖
D人成日話繪本係俾小朋友睇
但我覺得都唔係啊
好多繪本嘅畫都好靚
同埋d故事都好有意思
好似臺灣嘅幾米嘅繪本
我成日都會睇到又喊又笑咖
咦你係識d嘢個喔
我主人同佢妹妹兩個人
由細到大都好鐘意繪本
因為佢哋話買翻嚟嘅書之中
得繪本係有時間可以由頭到尾睇曬咖
宜家d人真係忙啊睇本書都要快喔
其實重會睇書嘅人都好少啦
我鐘意睇繪本
係因為唔同嘅作者都有唔同嘅風格
有人用簡簡單單的筆觸
就勾畫出令人有共鳴嘅感覺
果一下透過圖畫同文字
聯結到作者嘅心意
真係好奇妙嘅
你講嘢同主人都幾似嘅喔
佢就係想用繪本去鼓勵同陪伴其他人
當然唔少得就係佢最錫嘅妹妹啦
佢係好勤力咖
用嚟參賽本書一早就畫好咗
但因為未到deadline
佢就成日翻睇又翻睇
之後再改過曬
不停試下唔同構圖唔同配色
試下唔同風格啊嘛
有時睇住佢越做越興奮
我都懷疑佢係咪上咗癮
哇你講到咁
我都好想睇下佢嘅畫喔
等我睇睇先
嗱根據平時嘅數據
佢應該重有三分鐘先飲完咖啡嘅
好啦我就俾你第一張啦
哈好得意啊哩個女仔
係你主人自畫像啊？
嚟個係佢畫佢妹妹瘦咗嘅樣
佢以前會成日同佢妹妹去跑步嘅
因為要陪佢減肥
但呢半年晚晚都畫到好夜啊
終於佢都察覺到佢妹妹唔開心
就畫咗張畫送俾佢咯
佢頭先畫一個背景同一只兔仔人物都搞咗咁耐
呢一幅畫嘅筆觸咁仔細
哇實用咗好多時間啦
咁但係點解佢唔直接花時間陪佢妹妹啊？
我細細聲同你講啊
因為畫畫氹妹妹可以順便儲多張作品啊嘛
妹妹都明白主人目前有目標要追
都冇再唔開心了但就約定咗主人
交咗稿之後一定要即刻陪佢去跑步
我諗你主人交咗稿之後
應該會即刻大覺訓了呱
好了佢畫畫咁靚
咁我下次演唱會個poster就搵佢畫啦
嚇你唱歌嘅咩乜你唔係
啊主人翻嚟啦唔講啦刪翻張圖先
Ok 咁我唔阻你啦
啊等我拎定你主人對跑步鞋出嚟
提佢要做運動先
誒邊一對係啊？
黃色果對啊你記得要再嚟搵我啊
我哋有好多時會花好多時間
好多精神去工作
都係為咗更好嘅將來令身邊人開心
但你又有冇諗過其實你要嘅美好生活
同最愛嘅人共度一段開心時光
其實並唔係你想象中咁遙遠呢？
只要你放低手上面嘅工作抽少少時間
其實就可以即刻做到
記住啊工作並唔係你人生嘅全部
生活中重有好多值得你留意嘅人同事
一直等緊你咖

Поcмотреть все песни артиста