Siya'y kilala nang lahat
Na isang duwag na tao
Pakumbabang tinanggap niya
Ang hamak na bintang
Pangalan niya ay Tammy
Hindi dapat parisan
Siya'y isang lalaking isinilang na duwag
Ama niya'y kapatid ko
Namatay sa kulungan
Siya'y sampung taon lang, aking inalagaan
At ang huling habilin niya
Ang wika niya'y
"Tammy, buhay ko'y tapos na, nasa simula palang"
Oh anak ko, ipangako sa akin
Sana'y nagawa ko'y wag gawin
Laging nasa huli ang gawang pag-sisisi
Sana ako'y maunawaan
Hinahon ay isang katapangan
Bawat tao'y mayrong mahal
Mahal nitong si Becky
Ngunit di naipakitang siya ay lalaki rin
Isang araw wala siya
May pangkat na dumalaw
Halinhinan si Becky, pinagsamantalahan
Nang buksan niya ang pinto
Nakita siya si Becky
Tumatangis at ang damit ay gula-gulanit
Ngunit isang larawan ang kanyang napagmasdan
Ang larawan ng kanyang ama sa kanya'y nagbibilin
Oh anak ko, ipangako sa akin
Sana'y nagawa ko'y wag gawin
Laging nasa huli ang gawang pag-sisisi
Sana ako'y maunawaan
Hinahon ay isang katapangan
Ang pangkat ay nagtawanan nang siya'y matigilan
Siya'y tumalikod at tinungo'y pintuan
At ang sigaw pa ng isa
"Duwag ay aalis na"
Ngunit di nila napansin kasa ng kanyang baril
Kay tagal naghirap ang isip at damdamin
Hindi na niya matitiis ang dusa't pasakit
Hindi na pigilan at isa-isang tinodas
Ito'y dahil kay Becky na kanyang minamahal
"Nangako ako sa iyo aking ama, sanang yong nagawa'y di gagawin
Di na matitiis ang naranasang pasakit
Sana iyong maunawaan
Dapat ipaglaban ang iyong dangal"
Siya'y kilala nang lahat na isang duwag na tao