Ito'y isang babala
Aking isipang mahahalintulad sa isang lugar
Kung saan may karumal-dumal na krimen, at ang kriminal
Walang iba kundi ako rin, 'di mo pupwedeng tingnan
Hindi pupwedeng pasukin 'pagkat walang pinagkakatiwalaan na sinuman
Kaya alis na sa aking harapan, 'wag na 'wag mo 'ko papakitaan
Ng ilusyon mo't kapekean kahit na parehong gumagawa
Ng talatang palaban ang nilalaman naman ng aking kasulatan
Malaking kaibahan, bawat salita'y siguradong makabuluhan lang
Nilalayuan mga mapagpanggap
Sapagkat nababasa ng mga tunay ang karakas nila
Rumaragasang mga tula na ginawa
'Pag tinamaan, malala, paralisa, parang napana ni Mirana
Ubod ng metikuloso, 'di nagpapaloko
Natutunan ko na 'to no'ng ako pa'y nakikisosyo
Sinosolo ang delubyo, 'di kailangan sumaklolo
Para lampasan pagsubok, panahon na ang sumubok
Ako'ng nagsilbi na guro, 'di kailangang nagtuturo
Lalong-lalo na siguro 'pag 'yung taong bumubulong
'Di alam ang puno't dulo't makinig ay 'di marunong
Aking dugo'y kumukulo, kuko ko'y nakabaon na sa bungo
'La 'kong susundang ano mang yapak
Sa bawat pagtapak sa mundong malawak
Sariling daan, aking tinatahak
Dugo ma'y dumanak, luha ma'y pumatak
'Pagkat mga balak ay nakatatak sa 'king utak
'To'y magtatatalak, walang paki kahit bakat ugat
Lumayas ka na sa 'king parisukat
Whoa, yah
Walang paki kahit bakat ugat
Lumayas ka na sa 'king parisukat
Walang paki kahit bakat ugat
Lumayas ka na sa 'king parisukat
'Di ako si "J" na mayro'ng HESOYAM
'Di porke't nagra-rap, ako'y mag-aastang
Pinakamalakas, tulad mo, tao lang
Subukan mong basagin, 'di tatakbuhan
'Wag mo 'kong lalapitan, 'di magkaibigan
'Di 'to kapatiran, 'yoko mabahiran
Ang katahimikan, ang kinakailangan
'Yoko ng alitan, 'yoko ng alitan
Dahil abala na 'ko sa pinakamatinding away
Labanan ng mga boses sa bumbunan ko'y walang humpay
'Wag ka nang sumabay, lumubay
Wala sa bokabularyo nila hanggang magtagumpay
Magdamagang tambay
Magdamag nagbabangayan, kung ayaw mong madamay
Nararapat lang na ako ay lubayan
Habang maaga pa kung ayaw mong makatay
'Di 'to matadero, baka mapagkamalan na isa
Dahil nakakahiwa ang limang nasa dila
'Wag na 'wag kang mag-aasta sa akin ng kahayupan
Talagang malalagutan ka na ng hininga
'Di nababahala kahit pa walang tumulong
'Di kailangan ng katropang puro angas lang ang punto
Para sa'n pa ang lupit kung pilit lang, hindi totoo?
Pipiliin ko na lamang mag-isa na parang lobo
Kaysa sa makiisa sa mga tulad niyong pabibo
Tinuturing teritoryo itong musikang ganito
Kailan pa naging sa inyo ito para sugapain
O hamakin ang sumubok nitong sining na kahit kanino?
'La 'kong susundang ano mang yapak
Sa bawat pagtapak sa mundong malawak
Sariling daan, aking tinatahak
Dugo ma'y dumanak, luha ma'y pumatak
'Pagkat mga balak ay nakatatak sa 'king utak
'To'y magtatatalak, walang paki kahit bakat ugat
Lumayas ka na sa 'king parisukat
Whoa, yah
Walang paki kahit bakat ugat
Lumayas ka na sa 'king parisukat
Walang paki kahit bakat ugat
Lumayas ka na sa 'king parisukat
'Di ko alam kung ano'ng aking ginagawa
'Di ko alam kung ito nga ba ay tama
Sa sarili kong mundo, ako'y nawawala
Ako'y layuan, ako'y layuan
'La 'kong susundang ano mang yapak
Sa bawat pagtapak sa mundong malawak
Sariling daan, aking tinatahak
Dugo ma'y dumanak, luha ma'y pumatak
'Pagkat mga balak ay nakatatak sa 'king utak
'To'y magtatatalak, walang paki kahit bakat ugat
Lumayas ka na sa 'king parisukat
Whoa, yah
Walang paki kahit bakat ugat
Lumayas ka na sa 'king parisukat
Walang paki kahit bakat ugat
Lumayas ka na sa 'king parisukat