Tireiche cunha pedriña
Deiche no rodo da saia
Eu ben che dixen meniña
Que era do borde da raia
Agora ven unha orde
Que non pode estar mellor
Mete-los homes no forno
E chamar ó capador.
Esta casa que aquí está
Por fóra pinganlle as tellas
E por dentro se pasea
A flor das mozas solteiras.
Tres cousas pedín a Dios
Ningunha me quixo dar
Fermosura, bo cabelo
Donaire para cantar.
Abreme a porta rapaza
Se non entro polas tellas
Teño un rapaz empezado
E fáltanmelle as orellas.
Eres alta como un ovo
Redonda coma unha noz
Branca como chiculate
Buenas noches nos dé Dios.