Stiúraigh mé dod' mholadh
Cé nach ollamh mé um éigse
A ghnúis ainglí gan locht
Thug sú t'ochta dom réiteach
Tiomnaim mé fad' chomairc
A bhuime mhúirneach an Aen-mhic
Is fá do scéith díon mo chorp
Mo chroí, mo thoil is mh'éifeacht
A theampaill na dtrí bpearsan
Athair Mac is Naomh Spioraid
Guím thú dom fhurtacht
Uair mo bhreatha is mh'éaga
A Rioghain, dá dtug an Rí
An tAthair, síorbhuíochas
Óigheacht is bheith ad'mháthair
Gabhaim do pháirt dom réiteach
A shoithig iompair an lóchrainn
A ró-shoillse os cionn gréine
Tarraing mé fad' dhíon i gcuan
As loing diomuan an tsaoghail
A Mhuire mhodhail, mhaiseach
Is ceannsa, cneasta, maorga
Ní tuirseach mé fad' ghairm
'Stu mo chrann bagair lá an bhaoghail