Eg vil ingjen spelemann ha,
For eg kan ikkje dansa;
Eg vil meg ein skreddar ha,
Som søyma fine kransa.
Eg vil ingjen skreddar ha,
Då må eg pressa kluta;
Eg vil meg ein slaktar ha,
Så får eg fine stuta.
Eg vil ingjen slaktar ha,
Då må eg skrape tarma;
Eg vil meg ein bryggjarmann ha,
Så får eg øl i kanna.
Eg vil ingjen bryggjarmann ha,
Då lyt eg skylje tynner;
Eg vil meg ein prestemann ha,
Som skrifta meg frå synder.
Eg vil ingjen prestemann ha,
For eg har ingjen synder;
Eg vil meg ein snikkar ha,
Så får eg nye sengjer.
Eg vil ingjen snikkar ha,
Då må eg slipe høvla;
Eg vil meg ein skomakar ha,
Så får eg nye støvla.
Eg vil ingjen skomakar ha,
For han har bek på finge;
Eg vil meg ein gullsmed ha,
Så får eg ring på finge.
Og medan nær han står upp,
Da står han ved mi side;
Krusar upp mi gule lokk:
"Statt upp mi vesle pike."
Eg er så lystig og så glad,
Nå har eg kjærest funne;
Eg håpar og eg vonar det,
At eg har spelet vunne.