مسرحية
نحنا عايشين بمسرحية
عنوانا كذبة كبيرة
راحة بالبال مفتاح صعب بدو تكتيك
مربطو دروسنا بالفَهم وعلى راسنا في اكليل
مربى عالجحد والرُعب لفكر من شوك
نفس ستوك و وعودنا لَعب من بلاستيك
تكنيك ركيك موت وعيش نام وفيق
خود وضيع وطعمي التسعة
فراطة عشرة عادي عضمة كبا لتاخد 91
صنوف عجيبة معلقة زينة خيول حظيرة وكنوزنا للسرقة
عملوا بدعة علوا جرعة غلوا سلعة 69
وضعيتك مع حالك الجوع
اكلك الفقر وعقلك ممزوع
تركيبتك عم تنشئ تتناما برجوع
عم تُجبر تعتمد الغلط مشروع
تفصح عن رأيك عادي ومسموح
مصفوف الطموح على دور البانزين
عالباب المصلى في ضيافة لتروح
او شارعنا الفرعي للرقم 40
او ممكن سفرك بتقرير عبساط الدين ترتزق بحرب
هيك شائت الحاجة بالكذب من مزراب لقلة العقل
رصاصة بكتف ضحّى بضلع حامى بالطول كرمال العرض
انبزق وانمسحت بكرامتو الارض
كولومبيا رقما واحد دون مُنافس كوكائين صافي بيور
إبن ليل طافح كيل حامل شيل عملةسيل لاعبين بينتبول بترونات حاكمه ايدي
عاملة مغلفة باعتة حبوب الطبشور حضارة
من بلاد الياسمين للبلد الاول بالكبتيكول
اعتز بتفسك ولاك البلد الاول لسوء التصنيف
اعتز بنفسك ولاك سرقنا شبابك بسنين التجنيد
اعتز بنفسك ولاك بداية نجاتك بالبحر تجديف
لسى مامتت ولاك حنحاول نزود طُرق التعقيد
طُرق خنق كبت صوت شَغل عقل تعتيم انارة
كذب رشي دفع حكي استرجي اشتكي والسلطة
سمسارة لصاحب المقام الاكبر دفع اكتر قانون تجارة
ممكن تكتب بترونة فيك محضر تشويه سمعة ودعارة
وادن من طين وايد من عجين والرزق على الله
والاعور مابدو غير جوز العيون والملك اللي مساير
واعمى والواسطة لما بتواتي بتحط شماعة بدال الشمعة
بتشيل قسمة بتحط دمعة بتشيل ناس وبتسيئ سمعة
وبترفع العين من فوقو للحاجب بتسرق القشه ليموت الغريق وبالغصب عنك
القالب مو غالب لكنّو رح يغلب بـ خاوة التمريق سكين بالخاصرة ببلد خالصة
ونفوس ناقصة حكومة راصة واعمارن قاصة وقبورن عاصة
وناسا مهمومة بلاعيما غاصة وشبابنا الزفت انطحن اتوفى بالدين
اشتري وبيع طاطي طيع كون بديع لتعرف من وين
مافي حدا بصفك اكبر كلب ذلك قرر عنك ترين
حياتن فاتك وين رفقاتك صفيت لحالك سافقتك العين وعالفكرة رفقاتك اللي
برا مابيوصلك منن غير يلي قالولك اللبس
البسط السفر الرَحل الامل و حياة الأسطورة
مسرحية كُبرى عنوانا النهضة ببلاد الكآبة الوصلولا
كلنا ممثلين والدور ورقة تلميع سطورة
مافي حدا صادق ابد نسل قلب و يلي قدمولك
صاروا على صوتك وجع يبنوا فرح زتوك بالجورة
شفنا مبدأ عنا انسلب منا ونحنى يلي حامولك
تقبلنا بصمت التطبيع حتى تحت البرج نقدر ناخد صورة
حتى تحت البرج نقدر ناخد صورة