السجن ما بيموتش بس الوحدة بتموت
السجن ما بيموتش بس الوحدة بتموت
أنا محتاج دعمكم عشان ما موتش
في السنتين اللي فاتوا أنا حاولت
أقاوم كل اللي بيحصلي لوحدي
عشان اخرجلكم نفس الشخص اللي تعرفوه
بس مابقتش قادر خلاص، ما بقتش قادر
مفهوم المقاومة في السجن
إنك بتقاوم نفسك وبتحافظ عليها
هي وإنسانيتك من الآثار السلبية
من اللي بتشوفوا بتعيشوا كل يوم
وأبسطها إنك تتجنن او تموت بالبطئ
لكونك مرمي في أوضه بقالك سنتين ومنسي
مش عارف هتخرج منها إمتى او إزاي
والنتيجة أني لسه في السجن
وكل 45 يوم بنزل عند قاضي
وتكون نفس النتيجة تجديد 45 يوم
تجديد 45 يوم، تجديد 45 يوم
من غير حتي ما يبصلي
أو يبص لورق القاضية إللي
كل اللي فيها مشيوا من شهور
محتاج لدعمكم ومحتاجكم تفكروهم
أني لسه محبوس وإنهم ناسيني
وأني بموت بالبطئ كل يوم لمجرد
إني عارف إني لوحدي قدام كل ده
وإني عارف أني ليا صحاب كتير بيحبوني
وخايفين يكتبوا عني أو فاكرين أني هخرج
من غير دعمهم ليا أنا محتاجلكم ومحتاج
لدعمكم أكتر من أي وقت السجن ما بيموتش
بس الوحدة بتموت
شادي حبش