Lue mau dä dert
Das isch de ne Wurscht
Das isch de nes Schnäbi
Das isch doch eifach es Chaub, so eine
U sini Frou, e fixfertigi Chue
U d'Goofe, das sy richtegi Söili
U um ihri Dätschhütte ume
Ei riese Soumoorerei
Aber am Sunntig chunnt sie när derhär, wie usem Truckli, das Tüpfi
U är näbedrann fingt sich der Gröscht
Dä Laggaff, dä Schlymschysser, dä Zirpegigu
U füehrt jetz aber ganz e grossi Röhre, die Oberpfyffe
U pfyfft jetz aber usem aueriletschte Loch
U ds Füdle vou Schuede, da chaisch jetz grad e Bank mache
Aber es füdlet ne de scho no mau
Dä Blöffsack, dä Plagööricheib, dä grosskotzet Möff
♪
Üh, aber jetz die zwe, die muesch jetz luege
Luege scho am Mittag vo de Bire i d'Schnitz
U pfyffegredi ache i nächscht Spunte
U fülle sich d'Lampe u lö Brönnts iche, bis sie nümm chöi stah
Di Gööggemöffe
U när chöme sie gkäferet hei
U hei e Brännte im Gsicht, wo 50 Meter gäge Wind schmöcksch
U när chasch se aber rouke
Die Hornochse, die Mulaffe
U ds mornderisch sy sie für d'Füchs
U när chasch se wieder für gar nüt bruuche
U weisch wieso?
Nume wüll d'Langnouer nächti uf d'Schnure hei übercho
Die Stoglisieche
♪
Huere Siech abenang, jetz lue mau das hie
Das isch de ne Brunz, das isch de ne Furz
Das isch de ne Füdleidee
Da überchunnsch ja Vögu
Lue mau die Voguschüchi
Dasch doch es Gschwür
E settige Hafechäs u däm säge sie när Kunscht
Die Eifautspinsle, die Habasche, die Tropechöpf
U när meine die Gigle no
Sie chönni üsereim hie aus Hurrapatriote
Dorftrottle u Provinzidiote häresteue
Da isch doch d'Chatz gstrohhäumlet
Isch ömu wahr, Herrgottstärnesiech abenang
Söüe zersch afe lehre grediuus seike
Bevor sie e settige Seich ufsteue
Die Weichschnäbeler
Dene hets doch ufe Secku gschneit
Dene hets doch i ds Hirni gschisse
Aus, was eim lieb u heilig isch vernütige, das chöi sie
Die Jammericheibe, die Schuumschleger, die Gugagine, die Vouidiote
Aber wehe, we me ne när mau chli uf d'Scheiche tschaupet
De mou, de botz Hergottdonner de bäägge sie de grad zettermordio
♪
Aber i säge der eis
Me muess sich hie nit vo jedem Dubu la uf d'Chappe schysse
U nit vo jedem Nachtbueb la i Garte seike
♪
U Du, weisch, was de bisch?
Du bisch chli e Gränni, eifach chli ne Löu
U ne Spinnsiech bisch o
U wetts no chli gnauer wosch wüsse
Im Grund gno bisch e fixfertige Schnuderbueb
Grediuse gseit e himmutruurige Schnuderhung
U ne verfluechte Söiniggu
U ne verdammte Stinksiech bisch o
Pfyffe, Dünnschisser
Me cha sichs ja am Füdle abfingerle
Wie när die ganzi verfluechti
Verdammti huere Dräcksoumoorerei
Wo de aagrichtet hesch, d'Schissgass ab geit
Soumoore, was de bisch, du Mischtsiech
Du Steichmoore, du Chotzbrocke
Du elande Fotzuhung
Du truurige Schafsecku
Gigu, was de bisch
Isch ömu wahr, Heilanddonner
U när meinsch, sigsch der Hirsch
Dumme, blöde Siech
Ja, i weiss, sch villecht grad chli gäi gsy
Aber eine muess dir's ja mau säge
Stöible
Zwiauer
Lehme
Schafsecku
Heiniger