Tinu Heiniger - Ir Wyti vom Himu - текст песни и слова, похожие исполнители

Kishore Kumar Hits — Tinu Heiniger - Ir Wyti vom Himu текст песни

Исполнитель: Tinu Heiniger

альбом: Heiniger Abend

Ir Wyti vom Himu
Am Ändi vor Wäut
Wos aus git, wos aus het
Wo nie nüt eim fählt
Wo der Boge vom Räge
Ufgeit u versinkt
U dert, wo der Himu
I ds Meer toucht, ertrinkt
Dert uss läbe d Sehnsucht
D Illusione u d Tröim
O my Kitsch, mini Hoffnig
Sy dert usse deheim
Ir Wyti vom Himu
Wo sich ds Liecht bricht, verteilt
Dert wohnt dyni Liebi
Wo myni Wunde het gheilt
♪
Ir Wyti vom Himu
Dert ännet em Tau
Hocke mir naach binanger
Ar Wärmi im Stau
Für nüt isch es z früech
Für nüt isch es z spät
Mir lose es Lied
Es Gedicht, es Gebätt
Mängs hie isch so troschtlos
Wüescht, ungrächt u schwär
Üser Täsche so voll
U d Ouge so läär
Ir Wyti vom Himu
Am Ändi vor Wält
Isch das, wo mier sueche
U das, won is fählt
♪
Ir Wyti vom Himu
Wo der Nachtluft geit
U dert, wo der Mond schynt
U d Sunne ufgeit
Dert hei mir üs gfunge
Ig di, du mi o
U d Wyti vom Himu
Die treit is dervo
Mys Härz chlopfet schnäu
U heftig u lut
Was gsy isch, isch gsy
U was chunnt, das chunnt guet
Ir Wyti vom Himu
Am Ändi vor Wäut
U d Stärne ob üs
U der Himu es Zäut
♪
Ir Wyti vom Himu
Am Ändi vor Wäut
U d Stärne ob üs
U der Himu es Zäut

Поcмотреть все песни артиста