S louft alls hie wis louft, u mir loufe mit
Üser Tage sy zeut, meh wüsse mir nid
Mir verschlafe der Tag, mir schlö nis dür Zyt
Mir sy ygsperrt u zue, nume der Himu isch wyt
U d Stadt isch en Urwaud, jede spilt hie sys Spil
I suge d Stadt uuf, när wird si mir z vil
I chume vom Land, säg, was machen i hie?
D Stadt macht mi kabutt, i wott furt, weis nid wie
Es het nüt hie für di, s het nie nüt für di gha
I ha säuber o nüt, wo mi dranne chönnt ha
Der Himu brönnt heiss u aus tuet mir weh
U du bschyssisch mi nid, wo d o bisch, cha di gseh
U was i o dänke, der Luft treits dervo
S git nüt, wo sich rymt, u nüt macht eim froh
I tägschte, i singe, maybe do it wrong
Stayed in Mississippi a day too long
Der Esu steit am Bärg, der Tüfu ir Allee
Chasch säge, was d wosch, i ghöres u i gseh
Wo du bisch, u i weis, was d Röse het gseit
Won i tröimt ha dervo, i heig mi zue re gleit
I loufe dür ds Loub, rütsche uus, gheie um
Niemer gsehts, niemer fragt, was isch u warum
Mängs, wo mir hei gmacht, hätte mir gschyder la sy
Mir gseh, was' druus het ggä, u s tuet is leid, was isch gsy
Hüt bin i mau ehrlech, morn zieh di über e Tisch
Letscht Nacht han i di no kennt, u i weis scho hüt nümm, wär d bisch
Säg, wo isch dä Mönsch, wo mi gärn het, befreit?
I luege dys Biud, es verschwümmt u vergeit
Dy Stärn zieht verby, u dä Stärn, dä ghört mir
I gumpe i Fluss u i schwümme zu dir
I chume u i singe für di hie dä Song
Stayed in Mississippi a day too long
Mys Schiff isch kabutt, es sinkt, u s sinkt schnäu
I versuufe im Gift, i gseh schwarz, aber gäu
I gspüres, mys Härz, es isch liecht, es isch frei
U i sägle gärn mit de Lüt uf däm Schiff wider hei
Mir sy ungerwägs, deheim sy mir nie
U mir sy im ne Film, aber wen sy mir hie?
Chumm zue mir, mou, chumm, mir loufe dür ds Land
U mir göh zäme dä Wäg, chumm, gib mir dy Hand
I stah hie im Räge, bi flätschnass u ha chaut
I steue mi i ne Egge, won i mir säuber ha gmaut
Aber i weis es, dys Glück, das wartet uf di
Chumm zue mir u säg, du wöusch bi mir sy
Myni Lääri i mir isch wi Lätt, chaut u füecht
Chumm zrügg! Nid für gäng, nid nume denn, wes di düecht
Gäu, alles wird guet, ömu zmingscht hie dä Song
Stayed in Mississippi a day too long
♪
Myni Lääri i mir isch wi Lätt, chaut u füecht
Chumm zrügg! Nid für gäng, nid nume denn, wes di düecht
Gäu, alles wird guet, ömu zmingscht hie dä Song
Stayed in Mississippi a day too long