Bir yelkənəm qəm gölündə batmışam
Qova-qova kədərimə çatmışam
Bəxtim yatıb, yoxsa özüm yatmışam?
Bu fəsil də necə keçdi, bilmədim
♪
Aylarımı, illərimi itirdim
Öz əlimlə payızımı gətirdim
Səadətin qatarını ötürdüm
Bu fəsil də necə keçdi, bilmədim
Səhərimin, axşamımın fərqi yox
Bu fələyin geri dönən çərxi yox...
Görən deyir: "Bəxtəvərin dərdi yox"
Bu fəsil də necə keçdi, bilmədim
♪
Bir gülünü, çiçəyini dərmədim
Necə gəldi, necə getdi bilmədim
Laləsini, nərgizini hörmədim
Bu fəsil də necə keçdi, bilmədim
Səhərimin, axşamımın fərqi yox
Bu fələyin geri dönən çərxi yox...
Görən deyir: "Bəxtəvərin dərdi yox"
Bu fəsil də necə keçdi, bilmədim
Bilmədim, bilmədim...