Bu qatarın adı yoxmuş, sən demə
Heç bilmirəm, mənzil başı haradır?
Küləkləri geyinmişəm əynimə
Saçlarımı səhər yeli daradı
Heyrət etdim, dünyanın çox köçünə
Hər gün düşdüm min qovağın içinə
Sənin yolun sakitliyin içinə
Mənim yolum tufanadır, qaradır
Bu yaşımda hər dinən saz saz deyil
Hər qış qışmı? Hər bahar da yaz deyil
Mənə xoşbəxt deyənlər də az deyil
Bilən yoxdur, bilən yoxdur
Bağrım başı yaradır
Bilən yoxdur, bilən yoxdur
Bağrım başı yaradır