سهّرني حبيبي الليلة
للصبح وماتسبنيش
سمّعني غنوة جميلة
واحكيلي حكاوي تعيش
إوصفني حبيبي وحلّي
سهرتنا بوعد جميل
نفضل للصبح تملّي
نحكي ونقول مواويل
ودّيني لدنيا بعيدة
عننا يا حبيبي جديدة
جنبك أنا ببقى سعيدة
مالكة العالم أنا بيك
عن كل الناس حوّشني
كل الأحلام عيّشني
عايزاك أوّل ما تشوفني
تنطق بالفرحة عينيك
مالليلة حبيبي انا وانت
هنكون الإيد في الإيد
ماليش غالي غيرك انت
بفرح لو تبقى سعيد
مهتمّة أنا بتفاصيلك
وليلاتي بفكّر فيك
جنبك في نهارك ليلك
وتملٌي عايشة أنا بيك
ودّيني لدنيا بعيدة
عننا يا حبيبي جديدة
جنبك أنا ببقى سعيدة
مالكة العالم أنا بيك
عن كل الناس حوّشني
كل الأحلام عيّشني
عايزاك أوّل ما تشوفني
تنطق بالفرحة عينيك